मुंबई(प्रतिनिधी )चर्मकार समाजातील नागरिकांच्या शैक्षणिक,आर्थिक व सामाजिक उन्नतीसाठी शासन अत्यंत सकारात्मक असून, संत रोहिदास चर्मोद्योग व चर्मकार विकास महामंडळाच्या माध्यमातून विविध योजनांची अंमलबजावणी प्रभावीपणे केली जात आहे, अशी माहिती सामाजिक न्याय मंत्री संजय शिरसाट यांनी चर्मकार समाजाच्या विविध विषयाच्या अनुषंगाने आयोजित बैठकीत दिली.
या बैठकीस माजी खासदार राहुल शेवाळे, समाज कल्याण आयुक्त बाबासाहेब बेलदार, संत रोहिदास चर्मोद्योग व चर्मकार विकास महामंडळाच्या व्यवस्थापकीय संचालक प्रेरणा देशभ्रतार, बार्टी चे महासंचालक सुनील वारे, तसेच चर्मकार ऐक्य परिषदेचे अध्यक्ष संजय खामकर सुभाष मराठे पूजा कांबळे अनिल निर्मळे राजेश साबळे धनराज खिराडे अण्णासाहेब खैरे अशोक खैरे यांच्यासह विभागातील वरिष्ठ अधिकारी उपस्थित होते.
बैठकीत खालील महत्त्वाच्या मागण्यांवर सविस्तर चर्चा करण्यात आली
संत रविदास महाराजांचे शासकीय सुट्टी जाहीर करावे
चर्मोद्योग महामंडळाचे सरसकट कर्ज माफी
संत रविदास महाराज यांचे स्मारक उभारणे
देवनार येथील जागेत लेदर पार्क उभारण्यासाठी निधी द्यावा
बांद्रा येथील चर्मकला विद्यालय अडचणी दूर करून लेदरचे आधुनिक उच्च शिक्षण सुरू करण्यात यावे
चर्मोद्योग महामंडळाच्या कर्जाच्या जाचक अटी शितल करणे
महामंडळास शंभर कोटीची हमी देऊन शैक्षणिक व इतर सर्व कर्ज तात्काळ मंजूर करून कर्जाची रक्कम कर्जदाराच्या खात्यात वर्ग करावी
गटई कामगारांना तात्काळ स्टॉलचे वाटप करण्यात यावे
महानगरपालिका सह सर्व स्तरावर पीच परवाने बीज भांडवल देण्यात यावे
बेरोजगार युवकांच्या मिनी टेम्पो योजना सुरू करण्यात यावे
बार्टी मार्फत युवकांचे तसेच महिलांचे उद्योग व्यवसाय मार्गदर्शन मेळावे व विविध प्रशिक्षण आयोजित करावे
बार्टी मार्फत राबवल्या जाणाऱ्या सर्व योजनांची माहिती व प्रचार समाज बांधवांवर पर्यंत पोहोचवण्यात याव्यात
असे अनेक महत्त्वपूर्ण प्रश्नांवर बैठकीत चर्चा करण्यात आली असून सर्व प्रश्न व मागण्यांवर सकारात्मक निर्णय घेण्यासाठी शासन पुढील कारवाई करून समाजाला न्याय देण्याचे बैठकीत आश्वासन देण्यात आले वरील सर्व प्रश्न मार्गी लावण्यासाठी चर्मकार ऐक्य परिषद शासनाकडे पुढील काळात पाठपुरावा करून समाजाचे प्रश्न सोडवणार आहे
