परंडा | प्रतिनिधी
परंडा तालुक्यातील तांदुळवाडी येथील श्री संत ज्ञानेश्वर बहुउद्देशी प्रशाला येथे इयत्ता दहावी उत्तीर्ण गुणवंत विद्यार्थ्यांचा सत्कार समारंभ उत्साहात पार पडला. विद्यार्थ्यांच्या यशाचा गौरव करत त्यांच्या पुढील शैक्षणिक वाटचालीस शुभेच्छा देण्यात आल्या.
या कार्यक्रमात प्रशालेचे मुख्याध्यापक पाटील यांनी गुणवंत विद्यार्थ्यांचा पुष्पगुच्छ व सत्कारचिन्ह देऊन गौरव केला. यावेळी विद्यार्थ्यांनी मिळवलेल्या यशाबद्दल समाधान व्यक्त करत पुढील शिक्षणासाठी मेहनत आणि शिस्त यांचे महत्त्व सांगितले.
कार्यक्रमासाठी प्रशालेतील सर्व शिक्षक व शिक्षकेतर कर्मचारी उपस्थित होते. तसेच विद्यार्थ्यांचे पालक जाधव सर, प्रकाश दुरुंदे, प्रेमनाथ दुरुंदे आणि तानाजी बदर यांनीही उपस्थित राहून विद्यार्थ्यांचे अभिनंदन केले.
गुणवंत विद्यार्थ्यांच्या यशामुळे तांदुळवाडी परिसरात आनंदाचे वातावरण निर्माण झाले असून, प्रशालेच्या शैक्षणिक गुणवत्तेचेही कौतुक करण्यात येत आहे.
— माझं गांव माझं शहर
